Algengar spurningar

Hvenær er best að koma í sónar?
Fyrir þrívíddarsónar er best að vera komin í kringum 28-34 vikur. Með tvíbura er æskilegt að vera fyrr á ferðinni

Hvað fáum við í sónar?
Þið fáið airdroppað öllum myndum og myndböndum ásamt því að fá útprentaðar myndir, þeir sem koma í 3D fá útprentaða mynd í lit en hægt er að kaupa slíkar myndir á 500 kr stykkið
​
Hvernig er best að undirbúa mig fyrir sónar? 
Ef þú ert að koma í þrívíddarsónar getur verið gott að fá sér að borða eða sætan safa um 30 mínútum fyrir tímann. 
Ef þú ert að koma snemma í sónar (undir 15 vikum) er gott að hafa þvag í þvagblöðrunni
​
Má ég hafa með mér börnin mín eða gesti?
Já, ég elska að taka á móti heilu stórfjölskyldunum. Herbergið rúmar marga (10 manns) og ég býð upp á hollt nammi í verðlaun fyrir krakka og er með dótakassa fyrir yngstu börnin
​
Þegar ég er að kaupa mér fæðingarfræðlsu gildir verðið fyrir 1? 
Nei, fæðingarfræðslan er fyrir þig og stuðningsaðilann þinn
​
Eru bumbuhittingar fyrir konur og maka?
Bumbuhittingarnir eru hugsaðir bara fyrir þær sem ganga með barnið
​
Hvenær er of seint að koma í 13-14 vikna sónarinn?
Konur þurfa að vera á milli 13 vikur og 14+2 til að sá sónar sé áreiðanlegur
​
Hvað gerist ef við sjáum ekkert?
Ef að barnið er ekki í myndatökustuði þá fá foreldar annan tíma í endurkomu þeim að kostnaðarlausu
​
Hvenær er best að koma á fæðingarfræðslu?
Við mælum með að koma á milli 28-34 vikna á námskeiðið okkar

Hver er munurinn á fæðingarfræðslu á staðnum og á netinu?
Námsefnið er mjög svipað en námskeiðin á netinu eru lengri og ítarlegri en námskeiðin á staðnum. Sumum finnst notalegt að mæta á staðinn á meðan aðrir vilja geta haft það huggulegt upp í sófa heima og horfa.

Eru námskeiðin á netinu live?
Já, námskeiðin eru alltaf live og fólk  getur spurt spurninga og það eru alltaf líflegar umræður í lokinn.

Hvað er innifalið á fæðingarfræðslu á staðnum?
Foreldar eru alltaf leystir út með gjöfum,allir fá bindi frá Natracare og við bjóðum upp á kaffi, gos, sódavatn, te og erum alltaf með smá nammi. 

Er góð aðstaða í húsinu fyrir börn? 
​Já, það er frábær aðstaða fyrri börn, baðhergbergi með skiptiborði og góður sófi fyrir brjóstgjöf.

Hvernig bóka ég mér tíma?
​Allir lausir tímar eru inni á Ljosa.is, ég bæti við tímum eins og við á en ég vinn á Landspítalanum og bæti við tímum þegar ég fæ vaktirnar mínar. Hægt er að semja um ða koma utan vinnutíma en þá leggst á aukalega 5000 kr gjald.